Este ano o GBMT Pedra da Garza celebra o X Aniversario da súa fundación.

O primeiro dos actos é, como xa ven sendo habitual, o Festival organizado pola asociación, que este ano terá lugar na tarde do domingo 27 de xaneiro no Auditorio Reveriano Soutullo de Ponteareas, e que corresponde a súa III edición.

Nesta ocasión subirán ó escenario acompañando a Pedra da Garza os grupos "Breogán", e "Trompos os Pés".

Iremos ampliando información sobre o festival e os grupos participantes ó longo destes días.

Un saúdo de Pedra da Garza.

 

O GBMT Pedra da Garza participará na Cabalgata de Reis do Concellode Ponteareas este sábado día 5 de Xaneiro.

O percorrido comezará ás 18:30h, e durante as pequenas paradas que realiza a comitiva, os danzantes executarán varias Danzas de Reis das parroquias de Fozara e Pías.

O domingo día 6 pola mañá, despois da misa, volverán interpretalas na súa propia parroquia, Fozara.

Non perdades a oportunidade de ver unha das manifestacións culturais máis antigas da nosa comunidade autónoma.

O pasado sábado, 13 de outubro, o GBMT Pedra da Garza participóu nas festas da Parroquia de Paredes.

Aquí tedes dous dos bailes que interpretaron.

Despóis de actuar nas festas parroquiais de Toutón, Fontenla, etc., ou na Festa do Viño de Salvaterra; teredes unha nova oportunidade de ver no escenario ó GBMT Pedra da Garza na próxima edición do Festival do Condado, que se celebrará o domingo 16 de setembro pola tarde no Concello de Ponteareas.

 

O GBMT Pedra da Garza participarán o este sábado día 21 de Xullo no Memorial Lola Diz no paseo marítimo de Moaña. Este encontro folclórico, organizado pola Agrupación Breogán, na honra da súa fundadora, comezará ás 21:00h cun pasarrúas polo citado paseo para comezar coas actuacións musicais ás 21:30h no palco da música que está situado no mesmo paseo.

Ademáis de Pedra da Garza participarán tamén un grupo de acordeonistas moañeses, a AF Tangaraño de Mos e os anfitrións do encontro.

 

Recordade: sábado 21 de Xullo, ás 21:00h, no paseo marítimo de Moaña, teredes unha nova oportunidade para ver en escea ó GBMT Pedra da Garza de Fozara.

Tódolos anos, a parroquia de Fozara celebra a festividade de San Juan cunha misa grande o día 24 de Xuño. Como xa ven sendo habitual, o Grupo de Música e Baile Tradicional "Pedra da Garza" participará da celebración.

A procesión comezará ás 12:00h na capela. O grupo de baile, a Banda de Música de Ponteareas e os veciños acompañarán á imaxe de San Juan ata o cruceiro que fai fronteira entre A Lomba e Outeiro de Castro. Alí haberá unha intervención musical, tanto da Banda de Música como de "Pedra da Garza", para voltar de novo á capela.

Despois da misa solemne, que dará comezo ás 13:00h, a Banda de Música e "Pedra da Garza" farán a súa actuación.

O Grupo de Baile e Música Tradicional "Pedra da Garza" actuará o sábado 26 de maio ás 12:00h na Igrexa de Padróns, en Ponteareas, con motivo das festas parroquiais.

Esperamos vervos alí.

  

Aquí tedes un fragmento dunha das nosas actuacións en Fozara.

Hola a todos:

Como xa ven sendo habitual, este ano voltamos a celebrar o noso serán.

O día escollido é o 7 de abril (sábado), o lugar o de tódolos anos: o campo de fútbol de Fozara (Ponteareas).

Alí vos esperamos a todos para que contribuades a fecer desta festa un acontecemento memorable.

 

Estade atentos á programación das nosas actividades. En canto poidamos publicaremos toda a información coa programación das actividades da Semana Santa.

 

Saúdos. 

 

 

 

 

Pedra da Garza empezou en 1998 pola inquedanza de preservar os valores tradicionais da cultura galega.

Pouquiño a pouco fomos crecendo como entidade cultural. As mestras do noso comezo, como grupo de baile e pandereteiras foron Alba e Leni, integrantes do grupo Novo Serán  das Cortellas.

Dende hai catro anos temos como mestra do grupo de baile e pandereteiras a Nuria,  membro de O Fiadeiro. 

O grupo de gaitas existe dende hai tres anos, dende o 2003. Tendo como mestre a Rafa Crespo tamen membro de O Fiadeiro.

Pedra da Garza asiste a diversos acontecementos con asiduidade anual, como A Festa do Viño de Salvaterra, organizada polo Concello de Salvaterra de Miño; o Festival Folclórico do Condado organizado polo Concello de Ponteareas.

E tamén en varias parroquias da comarca do Condado e arredores, incluido actuacións en Portugal.

O grupo de pandereteiras participa anualmente no Festival de pandereteiras do Condado, e en varios Concursos de pandereteiras tanto na provincia de Pontevedra como da Coruña.

Acadando no ano 2006 o 3º premio no Concurso A. C. Os Muiños de Oliveira.